كشفت الممثلة نشوى مصطفى لجمهورها عن شيء يضايقها وتشتاق له وهو أن تجد نفسها مجدداً كممثلة بدلا من "مشخصاتية"، وأشارت إلى أن هناك خطوة في شهر أكتوبر إن لم تحدث ستودع التمثيل للأبد.

وكتبت نشوى، في تدوينة لها عبر حسابها بموقع التواصل الاجتماعي "فيس بوك"، "مش حيفهم إحساسي غير فنان.. التمثيل بالنسبة لى مش مهنة.. التمثيل حياة أحياناً باحس إنى اتنين الإولى هى الزوجة والأم والابنة والأخت والصديقة ودول كلهم أنا اللي الظروف والقدر اختارونى فى المكان والزمان ده علشان أكونهم".

وتابعت نشوى مصطفى حديثها وكتبت "باجتهد وبادعى ربنا إنى أكون موفقة فيهم كلهم على أد ما أقدر.. التانية بقى هى دى نشوى اللي باحس معاها بمنتهى التطهير الروحى وتمام السلام النفسى، نشوى الممثلة هى دي اللي بتعدل ميزان روحى، بقالى سنين مفتقداها.. آخر مرة كانت معايا من حوالى تسع سنين تخيلوا لما مثلت فى مسلسل محمود المصرى، وفي إيد إمينة، وبعد الفراق، طول السنين اللي بعد كده مثلت كتير بره مصر فى الخليج فى اغلب الدول الشقيقة وأقل فى مصر بس كانت موجودة في الشغل ده.. نشوى اللى وظيفتها التشخيص مش نشوى اللي بتنسى نفسها جوه الشخصية ليه باقول الكلام ده لأني للأسف باجتهد بقالى فترة انى ادور على نشوى الممثلة اللي باتمنى تلازمنى الفترك الجاية واللي قررت إنى مش حاقبل وجود غيرها معايا .. بس للأسف كل ما أمشى خطوة بتحصل عكوسات".

واختتمت نشوى كلامها وقالت "دعواتكم لأن ميعادى معاها أول أكتوبر يا إما الاقيها يا إما أودعها للأبد".

اقرأ ايضاً

نشوى مصطفى توجه رسالة لأحد شهداء حادث رفح

فيديو| حفل خطوبة نجل نشوى مصطفى