بلاي ليست.. الهضبة 1992 لما كان بياكل آيس كريم ف جليم 

ودنك هي حلقة الوصل بينك وبين العالم.. يعني لازم تهتم بيها وتقدرها أكتر من كدة على فكرة وهي مطالبها سهلة وبسيطة.. يعني مش هتطلب منك تخرجها ولا تأكلها ف مطعم غالي كل اللي هي محتاجاه إنها تتسلطن وتسمع حاجات تنعشها وتفرفشها من فترة للتانية.. وبما إن مهمتنا هي إسعاد ودان كوكب الأرض.. ف قررنا نفضي نفسنا كل يوم حبة عشان بس ننقيلك الحاجات اللي تفرفشها وتنعشها..

وكل المزيكا الجميلة دي هتلاقوها بكل الأذواق والمقاسات ف أكتر من بلاي ليست فقسم المزيكا عندنا.. وأكيد هتلاقي اللي يناسب ودنك ومزاجك

النهاردة هناخد ودانكم ف مشوار صغير لعالم الهضبة عمرو دياب.. هنرجع معاه بالزمن للبدايات وتحديدا لسنة 1992 وسنة 1993 إللى قدم فيهم عمرو دياب ألبومين من أجمل ألبوماته هما ألبوم أيامنا وألبوم ياعمرنا

سنة 1992 من السنين إللي وشها حلو على عمرو دياب.. كان ليه ألبوم ناجح وهو أيامنا وكمان قدم فيلم "آيس كريم ف جليم" اللي شاركته البطولة فيه سيمون وأشرف عبد الباقي.. وبيحكي عن سيف الشاب الموهوب اللي بيحلم إنه يكون فنان مشهور.. عمرو دياب قدم ف الفيلم 6 أغاني وهما "هتمرد".. "رصيف نمرة خمسة".. "أنا حر".. "يادانا دانا".. "بس إنتا تغني".. "آيس كريم في ديسمبر".. 

كفاية كلام لحد هنا ونسيبكم مع بلاي ليست أغاني عمرو دياب.. إستمتعوا