5 نسخ من الجوكر مجنونة أكتر من الأصلي

الجوكر شرير باتمان المفضل بلا منازع في الافلام والكومكس ، لكن مهما ظهر جنون الجوكر في الأفلام عمره ما هيبقى زي الكومكس اللي ظهر منها 5 نسخ مجنونة اكتر من النسخة الاصلية

1 Batman: Bloodstorm

في سنة 1994 نزلت سلسلة batman & dracula وفيها باتمان دمر دراكولا لكن هو نفسه تحول لمصاص دماء ولأن أتباع دراكولا مبقاش ليهم قائد وباتمان لازم شرير يقف قصاده فالجوكر اتطوع للمهمة في قصة Bloodstorm وبقى زعيم مصاصي الدماء.. تخيل الجوكر ومعاه جيش فامبايرز

2 Pirate Captain Joker

في عالم موازي تاني باتمان والجوكر ودي سي كلها بقت قراصنة زي قراصنة الكاريبي بالظبط، باتمان كان اسمه "الكابتن أجنحة الوطواط" أما شرير القصة فكان اسمه "الرجل الضاحك".

الجميل في القصة انها كانت مقتبسة من قصة "هوك" بتاعة ستيفن سبيلبرج. والجوكر فيها مجنون اكتر من جاك سبارو نفسه.

3 Lex As Joker

في العالم دة بدل ما تلاقي باتمان ضد سوبرمان حصل العكس واندمجت الشخصيتين في بعض وبقى عندك طفل كريبتون "كال إل" اللي اتبنته عائلة وين بدل من عائلة كينت وبقى اسمه بروس بدل ما كان كلارك.
وعشان الحبكة تكمل.. رجل الاعمال ليكس لوثر وصل جوثام المدينة المنحوسة و هناك حصلتله حادثة ووقع في مستودع كيماويات وبقى جوكر القصة وبشخصية كوكتيل بين لوثر والجوكر اللي نعرفه.

4 Martha Kane Joker

دي سي فانز عارفين حركات فلاش لم يقلب التايم لاين.. هو دة اللي حصل واتسبب في إن بروس وين الطفل مات في الحادثة اياها مش أبوه وأمه اللي من الصدمة قرر توماس وين انه يبقى باتمان ومراته مارثا اتجننت وبقت جوكر التايم لاين دة وبتعمل مدابح ياما لحد ما تكتشف ان في تايم لاين تاني وبروس لسه عايش وهو اللي باتمان من صدمة مارثاالجوكر بتفجر كهف باتمان وتموت نفسها.

5 الجوكر الوطني

النسخة الأجن على الاطلاق.. وهي كروس اوفر بين دي سي ومارفل وفيها باتمان بيساعد كابتن أمريكا ضد ريد سكال والجوكر اللي كانت شخصيته شبه جوكر جاك نيكلسون 

في القصة ريد سكال هو الشرير الحقيقي اللي لما الجوكر بيكتشفه بيقف ضد وفي صف باتمان وكابتن أمريكا وبيقول العبارة المشهورة في الكومكس انه "مجرم مجنون .. لكن مجرم مجنون وطني" .