فيسبوك تعترف: 270 مليون "أكونت فيك" على الموقع

اعترفت شركة فيسبوك بحاجة خطيرة جدا كلنا بنعاني منها وبنتكلم عنها طول الوقت وإحنا بنتصفحه.. وهي إن فيه أعداد ضخمة جدا من الحسابات المزيفة على الموقع ..

الشركة قالت إن فيه أكتر من 270 مليون حساب مزيف على موقع فيسبوك.. تخيل؟.. رقم كبير جدا.. وده بحسب ما نشرته جرنان "تليجراف" البريطاني.. وقالت كمان إنها اكتشفت إن 2 من كل 3 مستخدمين في الموقع حساباتهم مزيفة.. وده في إحصائية إتعملت في الربع التالت من سنة 2017 .. وكمان إن 10% من المستخدمين الحقيقيين عندهم حسابات مكررة.. من 6 إلى 10 حسابات للفرد الواحد ..

وجه كمان في التقرير إن 13% من حسابات موقع التواصل كلها غير شرعية.. كونها مزيفة أو مكررة.. وإن عدد المستخدمين النشطين بس هما بالظبط 2,1 مليون بني آدم .. عشان كده الشركة بتحاول تزود عدد رواد الموقع عشان يوصل لـ1.37  مليار مستخدم.. بزيادة تعدي 16% ..

واضح جدا إن الرقم اللي إتقال ده مش مبالغ فيه خالص.. بدليل إنك بتفتح الفيس بتلاقي أكونتات عجيبة.. زي لولو الهونلولو وسميرة سمير وأنا بنت كريزي والبلاوي اللي إنت عارفها دي.. غير طبعا الأكونتات بتاعت حرامية الباسووردات.. واللي متجوز وعامل كزا أكونت بعيد عن عين المدام عشان يشقط براحته.. وغيرها طبعا من النوعية دي.. عموما هنقول إيه.. الفيسبوك لم وباظ خلاص.. إظبط دنيتك ياعم مارك زوكربيرج .

لو عجبك الموضوع ده وعاوز تقرا مواضيع زيه أو أحسن خش هنا

قط بلدي

ستيفن بادوك.. المليونير المجنون اللي قتل 58 واحد وإنتحر في "فيجاس"

9 أنواع من الـ "تأمين".. هتجننك

انتحار أب في بث مباشر على الفيس بسبب جوازة بنته

شرطة بريطانيا سابت تأمين الملاهي وراحت تلعب عربيات.. وحصلت حادثة