نشرت الفنانة المُعتزلة حلا شيحة تعليقًا عبر صفحتها على موقع التواصل الاجتماعي فيسبوك بشأن الهجوم الذي تعرّضت له فى الفترة الأخيرة بسبب ارتدائها النقاب. 

وقالت "حلا": "أنا عايشة في كندا بقالي سنتين ولسه لابسة النقاب ولي جيران يحترموني وعلاقتي بيهم طيبة وهما في كندا شايفين إن ده حرية شخصية وأنا بمشي في الشارع عادي ومش بخاف من حاجة بفضل الله.. وسبحان الله جارتي مسيحية وكنّا بنتكلم عن الحجاب وجارتها سألتني ليه لابساه هي ردت عليها وقالت ده لَبْس المسلمات وشكلهم سواء الحجاب أو النقاب".

وأضافت: "الحقيقة مشفتش كره للنقاب إلا في مصر بلدي حبيبتي.. أنا مش فاهمة هي الناس دي عايزة إيه وبتحارب المحجبات والمنتقبات كدة ليه ويعني ايه ده مش هوية مصر.. سواء مصرية أو عربية كلنا عرب وغالبيتنا مسلمين موحدين.. هويتنا الإسلام روحنا الإسلام مظهرنا الإسلام.. لو ده بيغيظ ناس هما حرين.. وكفاية بقى الكلام عن النقاب كإن الأزمة العربية كلها سببها النقاب".

وتابعت: "وسيبنا البلاوي اللي بنعاني منها من تعليم وصحة ونظافة وأمانة وأخلاق فاسدة ونركز بقي في المنتقبة.. معلش اعذروني مصر في انهيار وبيتكلموا عن النقاب".

اقرأ أيضًا

تعرف على نصيحة المنتجين في هوليوود لـ"إيمي روسوم"

3 نوفمبر| بدء مهرجان الزفاف "Cairo Wedding Festival"

شذى حسون تنتهى من كليب "الدنيا ما سيباش"