يخوض المدير الفني المؤقت للفريق الكروي الأول بنادي الزمالك محمد صلاح، أول ختبار مع المارد الأبيض الثلاثاء المقبل، عندما يحل أبناء ميت عقبة ضيوفا على الإسماعيلي، ضمن منافسات الجولة العاشرة لمسابقة الدوري المصري الممتاز.

ويستعرض "دوت مصر" على سبيل التخيل، حوار بين رئيس الزمالك مرتضى منصور، والمدير الفني محمد صلاح، قبل موقعة الدراويش.

مرتضى: ركز يا صلاح في ماتش الإسماعيلي لو الفريق اتغلب أنا اللي هشيل الليلة لوحدي وهيقولوا شوفتوا آخر التغييرات في الأجهزة الفنية.

صلاح: متقلقش يا ريس إن شاء الله هنرجع من الإسماعيلية بالمكسب وهنديهه ليك.

مرتضى:  مش بالكلام يا صلاح أنا عاوز فعل في أرض الملعب.

صلاح: هتشوف ياريس في الملعب اللي يفرحك وزمالك الفن والهندسة هيرجع تاني.

مرتضى: أنت هتعلب بأي تشكيل المتش ده.

صلاح: أنا لغيت خلاص سياسية التدوير بتاعة مؤمن سليمان وهثبت التشكيل الفترة اللي جاية.

مرتضى: يعني هتلعب بمين

صلاح: أنا هيبقى عندي العمود الفقري للفريق ثابت مكون من: الشناوي في حراسة المرمى، جبر والونش في قلب الدفاع، دونجا وطارق حامد في نص الملعب، أيمن حفني وستانلي في الهجوم.

مرتضى: هو ده اللي أنا كنت بقوله لمؤمن مفيش حاجة اسمها تدوير في هيكل الفريق.

 صلاح: لا متخافش علينا يا ريس احنا تلاميذك.. بس بعدين امتى ترضى عني واتعين مدير فني دائم للفريق مش مؤقت زي كل مرة.

مرتضى: متألفش في التشكيل وتغير مراكز اللاعبين زي محمد حلمي واللي عمله قبل كده وزي اللي عمله مؤمن سليمان مع معروف وحسني فتحي، عشان التدريب مش كيميا والتأليف بيغرق لوسمعت كلامي هتكسب وهتستمر.

صلاح: ربنا يوفق ياريس وهتشوف شغلي الفترة اللي جاية.