الأول من يوليو في تمام الساعة 2.43 عصراً، إشتعلت عدد من صفحات "خاصة بأشخاص" من رواد موقع التواصل الإجتماعي، لتعلن عن كارثة "سفاح شبرا" بإستهداف النساء بكافة طوائفهم وبدون تمييز بالطعن المباشر بأماكن حساسة بالجسم والهروب بسيارة جيب"، في الصباح الباكر، بمناطق مسرة – روض الفرج الدوران"

روايات الفيس

تحديث وتعديل: الحمد لله اتقبض علي الراجل

للاسف الكلام دا صح

انا مخيط ٣ عيانين الصبح الساعه (٧-٩ ) في المستشفي ( روض الفرج العام ) كلهم ستات ومش فارق ديانتهم ايه

كله بيحكي نفس القصه راجل بعربيه نبيتي يسال سؤال ترد عليه يطلع اله حاده يعورك

دا اللي حصل معايا انا شخصيا

اه وعملنا محاضر وتقارير في قسم روض الفرج"  الكلام اللي جاي انا ناقله من جروب " Copied"

سكان شبرا او الناس اللي "مضطرين" يجوا شبرا لظروف "قهرية" سواء شغل او غيرهم من اول (مظلات) لحد (أول شبرا-

أحمد حلمى "

محدش ينزل النهاردة و اللي مضطر ما تمشيش في الشارع اركب سيارة و لو معندكش اطلب (اوبر/كريم) ما تقفش توقف تاكسي في الشارع و تستني دقائق

في واحد راكب عربية جيب و أسمر ... بينزل منها يضرب ناس بالمطواه و يمشي تاني .. من الصبح لحد دلوقتي الساعه 10:30am  ضارب ١٠ اشخاص ( رجالة و ستات) آخرهم قريبتي "اخت مرات خالى" .. نزل ضربها في بطنها في شارع مسرة

الحالات المسجلة في المستشفيات كلها لأشخاص كانوا "واقفين" في الشارع .. و الناس اللي اضربت لحد دلوقتي كلهم من شارع روض الفرج و حالة مسرة و حالة دوران

و محدش عارف هو مين و محدش عارف يمسكة

----------

تحديث :

قرايبي راحوا القسم ... الكاميرا بتاعت السنترال جابت طنط حنان و هي بتضرب لكن ما جابتش رقم العربية ... و رئيس المباحث مستنى لما الجواهرجرية اللي في شارع مسرة يفتحوا عشان يشوفوا كاميراتهم ! ... "مش هعلق" .

العربية جيب لونها نبيتي ... و الراجل أسمر .

اللي ضربها به "قطر" مش مطواه ... و الموضوع اسفر عن ٢١ غررة ... ضربها في رجلها كمان .

الحالات اللي حصلت كلها من ٨ - ١٠ as per المستشفيات و حالات البلاغ في القسم .. بعد كده مفيش حاجة .. بس منعرفش برده (فمقدرش اقول خلاص) ... ده معناه انه بيستغل فترة الهدوء بتاعت الصبح عشان يعرف يهرب .. و اللي معناه برده "ناخد بالنا كل يوم في المعاد ده لحد ما يتمسك" .

اليوم السابع تتجول في شارع شبرا

عقب إعلان وزارة الداخلية في بياناتها الرسمية عن ورود بلاغات من مواطنين أغلبهم سيدات بتعرضهم للطعن من "رجل أسمر يقود سيارة جب حمراء" ونجاح رجال مباحث روض الفرج من تحديد هوية قائد السيارة والقاء القبض عليه خلال ساعات معدودة، وعرضه على النيابة، قامت "حوادث اليوم السابع" بجولتها الميدانية بشارع شبرا

بوجى

رامي يوسف والشهرة "بوجي"  اتسلم عملى بالمقهي بمنطقة "مسرة بشارع شبرا" من 6 صباحا الي 6 المغرب، ومن خلال أصدقائي والجيران، بلغنى ان رجل يقود سيارة جيب النساء بـــ"يغز الحريم" والواقعة حدثت مع سيدات من جيراني، ومنهم حالة عند كنيسة العذراء

تابع "بوجي"  المباحث فرغت كاميرات المحلات والاكشاك و"عرفوه من الكاميرات "

وعلق "بوجي" قائلاً  " زمان كان كل واحد ايده في ايد التاني ولكن الان الناس بتخاف تتدخل  بدل ما يدخلوا في حوار مالهمش فيه ويجي عليهم الدور"

اصحاب الأكشاك

وقال أحد اصحاب الأكشاك امام بمنطقة مسرة بالقرب من مترو مسرة " احدي مناطق تعدي السفاح علي السيدات"  أنه فى الصباح الباكر "سمعت ان عربية جيب حمرا كانت واقفة واللي راكب نزل منها وكان في سيدة واقفة راح ناحيتها وضربها بحاجه حاده، وكان فيه ضحية أخري قبلها بيوم "

وأوضح "الناس صعب تدخل  لان الحوار ده الصبح بدري والحركة فى الشارع قليلة ومعاه عربية بيجري بيها"