صيحات وتدوينات انتشرت الفترة اللى فاتت على مواقع التواصل الاجتماعى .. والسبب هزتين أرضيتين فى أقل من 24 ساعة، الأمر اللى أثار تساؤلات كل الناس.

هو ايه اللى بيحصل؟

 أول هزة ارضية كانت يوم الجمعة الماضى ومركزها شرق القاهرة وشدتها 2.7 درجة على مقياس ريختر .

 الهزة الثانية كانت يوم السبت اللى فات وكان مركزها شرق القاهرة بردو لكن كانت أكثر قوة وسجلت 3.4 درجة على مقياس ريختر.

المفاجأة أن منطقة شرق القاهرة تعرضت لـهزة أرضية قبلهم لكن محدش حس بها ودا كان يوم الجمعة 12 يوليو بحسب تصريحات رئيس قسم الزلازل بمعهد الفلك.

و السبب أن شرق القاهرة قرب طريق مصر السويس الصحراوى، هى فعليا منطقة زلزالية معروفه و نشاط الزلزال بها طبيعى ومعتاد.

ودا مالوش علاقة بتغير فصول السنة وتأثيره على زيادة بنشاط الزلازل زى ما بيقول البعض ..

الحقيقى إن مصر فيها 6 بؤر زلزالية و هى : -

الأولى جنوب شرق البحر المتوسط.

 الثانية فى منطقة خليج العقبة وتتعرض فى اليوم الواحد لحوالى 300 هزة.

الثالثة منطقة دهشور جنوب غربى القاهرة وكانت بؤرة زلزال 12 أكتوبر 1992.

الرابعة منطقة أبو دباب فى الصحراء الشرقية.

الخامسة منطقة بحيرة ناصر التى تتميز بنشاط زلزالى متوسط.

السادسة جزيرة شدوان شمال البحر الأحمر، جنوب خليج السويس، التى تتميز بنشاط زلزالى كبير.