قال الإعلامى عمرو أديب، إنه منذ نصف ساعة وبعد مباراة السوبر بين الأهلى والزمالك، نزل مجموعة من الناس فى التحرير، حوالى 30 أو 40 شخصا، مضيفاً:"اتلموا لمدة دقيقتين، هتفوا هتافين اتصوروا وبعتوا الفيديو، خشوا وشوفوا هو الفيديو دا اللى موجود، وطبعاً اتقبض على أغلبهم، أغلبهم أولاد الإخوان اللى موجودين فى السجن".

وأضاف أديب، خلال تقديمه برنامج "الحكاية"، على فضائية "MBC مصر"، : "فى التحرير بعد الأيام اللى فاتت والحشد وبيقولوا الناس نازلة وهيمشى وهيرحل ومش عارف ايه.. خلصت على ناس عدت الميدان وخلصنا، اللى حصل هو كده، وأنا مبخبيش حاجة، وعندى مراسل فى التحرير الآن".

وتابع أديب: "طول اليوم كان بيتقال لو منفعش المرة دى ينفع المرة الجاية، عشان هم لقوا محصلش أى شئ، عشان ميبقاش فيه هبل وعته، الموضوع ملوش علاقة بمحمد على لأنه هو مجرد أداة، معايا النهاردة إثباتات الإخوان هيشوفوها ويذهلوا، بالصوت والصورة"، مردفاً:"من الأكاذيب النهاردة، قلك السيسى مش رايح أمريكا لأنه خايف جداً وهيبعت وزير الخارجية، وكل مواقع الإخوان قالت كده.. من ساعتين الرئيس ركب الطيارة وراح نيويورك، عنده جلسة الأمم المتحدة كل سنة بيروح ويحضرها".