قال الإعلامى شريف مدكور، إنه لم يكن يتوقع كم الناس الذين يحبونه، موضحاً أنه لا يشعر بأنه مريض أو مصاب بالسرطان.

وأضاف "مدكور"، خلال تقديمه برنامج "4 شارع شريف"، على فضائية "الحياة"،: "حاسس إنى فى اختبار ربنا بعتهولى عشان يورينى إن فيه ناس بتحبنى وتقدرنى"، مردفاً:"أشكر ربنا إنه جابلى السرطان، عشان يورينى ويقولى إن فيه ناس بتحبنى وتقدرنى".

وتابع:"فيه ناس كانت ضدى ومش بيحبوا طريقتى فى تقديم البرامج أو لبسى، بشكرهم لأن كتير منهم كاتبين فى البوستات مش بنتفرج عليه بس بندعيله، والكلام دا على راسى".

وقدّم "مدكور"، الشكر للأطفال بسبب الرسائل الكثيرة التى أرسلت له، بالإضافة إلى كل مريض سرطان يدعمه بكلام جميل، مستطرداً:"مش حاسس إنى تعبان ولكن أنا حاسس إنى فى اختبار وتحدى وربنا هيخلينى أكسبه وأنا واثق فى ده".

وكان المذيع شريف مدكور أعلن عن  إصابته بورم فى القولون، مضيفا: "أقدم شكر خاص للممرضة التى رافقتى أثناء الاطمئنان على صحتى، وهناك طفرة فى التمريض بمصر، وطريقة التعامل مع المرضى.. وأنه فى أول أسبوع فى رمضان المقبل سأجرى عملية لإزالة الورم، وسأباشر عملى".