قال الإعلامي محمود سعد تعليقا على صورة انتشرت على مواقع التواصل الاجتماعي لورقة إجابة أحد الامتحانات كتب فيها الطالب للمدرس: "نجحني والنبي عشان أمي العيانة"، إنه كان يغش في الثانوية العامة، وإن أحد مدرسي اللغة الفرنسية قال له: "إنت مش هتنفع تتكلم فرنساوي أبدا.. ولا هتنفع في حاجة خالص".

وأضاف سعد خلال برنامجه آخر النهار على فضائية النهار اليوم الأربعاء: "أنا عملت عمايل في الثانوية العامة مش هينفع أقولها، وكنت كفتة في اللغات كلها حتى في الجامعة، ولولا أنه فيه بنت ورايا كانت بتغششني كان زماني شايل فرنساوي لحد دلوقتي".