قال الإعلامي يوسف الحسيني إن مصر مر عليها غزاة كثيرون منهم الحاكم الكردي صلاح الدين الأيوبي، ولم يستطع أحد أن يقسم مصر أو يفرقها، مضيفا "أنا معنديش مشكلة مع الأكراد وناس كتير ما تعرفش إنه والدتي عندها نص كردي من ناحية أمها".

أضاف خلال تقديم برنامج "السادة المحترمون" على فضائية "أون تي في" مساء الاثنين: "المؤتمر (مؤتمر شرم الشيخ الاقتصادي) هايتعمل في ميعاده وهاينجح والانتخابات البرلمانية كمان هايتعدل القانون بتاعها قريب وهاتنجح، وبلدنا هاتبقى دولة حديثة وهايحصل"، مضيفا "إرادة الله قادرة على كل شيء، البلد دي مش هايحصلها حاجة ومحمية من ربنا".

وتابع "الجماعة المتطرفين دول مايعرفوش ربنا، ومصر ياما دخل عليها غزاة ومماليك، لكنه البلد الوحيد من ساعة الخليقة وحدودها السياسية واحدة ومابتتغيرش، ناس كتير حاولت تسيطر على البلد وماعرفوش".