دافع المخرج الشاب عمرو سلامة عبر حسابه الشخصي على موقع التواصل الاجتماعي،"فيس بوك"، عن الكلاب ومدى إخلاصها ووفائها، قائلا" من سخرية القدر أني كتبت الكلام ده أول امبارح".

وكان سلامة نشر بوست قبل حادثة تعذيب وذبح كلب الهرم بيومين، مما دفعه لإعادة نشره مرة أخرى.

وأضاف سلامة "الكلاب عمرها ما أذت حد إلا لو خايفة منه جدا، أو في "إنسان" شرسها وعلمها العدائية غير المبررة، الكلاب عمرها ما هتستمتع بتعذيب أو ظلم كلب ثاني، الكلاب الدوبر مان عمرها ماكانت عنصرية ضد الجولدن ريتريفر وحاولت تبيدهم، الكلاب عمرها ما تخون صاحبها، زي ما قال أحمد مكي "عمرك سمعتي عن كلب بلدي إتجوز كلبة جيرمان شيبارد علشان ياخد الجنسية؟" لأن الكلاب مش إنتهازية ومستغلة".

وتابع "الكلاب بتحب صاحبها حب غير مشروط، لو كلبك حبك واختفيت ممكن يقعد عمره كله زعلان عليك،الكلب حياته كلها حوالين صاحبه، وصاحبه كلبه بالنسبة له مجرد جزء من حياته، الكلاب مش بتكذب، مش بتبرر الظلم، مش عايزة تعيش على حساب غيرها، عرفت ليه الكلاب حرام تربيتها، علشان حرام نلوثها بالعيشة مع جنس دوني زينا".

يذكر أن سلامة قام بإخراج فيلم "صنع في مصر" والذي تم عرضه في عيد الفطر الماضي بطولة أحمد حلمي ، ياسمين رئيس.