انفعل الرئيس عبدالفتاح السيسي وهو يتحدث إلى قادة وقوات الجيش والشرطة وعدد من قيادات ورؤساء الأحزاب والشخصيات العامة، في اجتماعه بهم بمسرح الجلاء، عصر اليوم الأحد.

وقال السيسي غاضبا "لقائي النهارده معاكم مهم أوي عشان يبقى فيه رسالة قوية للمصريين كلهم، شوفوا أنا هاقولكم على حاجة، أنا لم أكبل أيديكم للثأر لشهداء مصر، إنتوا فاهمين الكلمة دي معناها إيه، إنتوا اللي هتاخدوا تار مصر وإنتوا اللي هاتحموها، وإنتوا اللي هاتموتوا عشانها، أمال إحنا مهمتنا إيه".

وتابع السيسي "أنا بقول الكلام ده لكم، وبسمع الدنيا كلها فيه جيش هنا في مصر، وماحدش أبدا هايقدر ينال من مصر مهما كان حجمه أو كان تنظيمه، وإيديكم مش مكبلة، بس اوعوا تظلموا الناس، أنا بقول الكلمة دي لأنه مش معنى إننا عايزين نثأر إننا نقتل أبرياء".