يقدم كل من بدر نور، طه دسوقي، شهاب العشري، حفل استاند بعنوان "في قلق متجيش"، الخميس 5 فبراير المقبل، في مركز الربع الثقافي، تمام السادسة مساء.

وقال الثلاثة في وصف الحفل: "أكيد لاحظتم إن أغلب الخروجات مؤخرا بقت مجرد خطط ملغيّة أو بمعني أصح بتفكس تحت شعار "في قلق".. سواء مامتك تقولك كِنّ لحد ما الأمور تستقر أو صاحبك يقولك لا يا عم في ضرب في "مدينة نصر" وإنتوا كنتوا رايحين "الزمالك" أصلا.. صاحبتك تنفضلك عشان بباها مش عايز ينزلها".

ويتابع الثلاثي: "صاحبِك ينفضلِك يوم الفلانتين عشان يوفر تمن الهديه بحجة إن فيه قلق مع إن أكتر مُصيبة ممكن تحصلكم يوم الفلانتين اللي موافق يوم تلاث إنكوا تتعوروا وإنتوا بتفتحوا كنزات، فإحنا مش هنفضل ساكتين عالخروجات اللي بتتلغي دي فقررنا نرفع شعار "مش أي شاب اتخلق يعمل قلق"، و"مش أي شعب ثار يتعمله حوار"، و مش أي حكومة.. ولا بلاش مش طالبة حبس دلوقتي إنتو عرفين اليومين دول في قلق".

يذكر أن بدر نور، طه دسوقي، شهاب العشري، شاركوا في الدفعة الثانية من "الورشة" استاند أب كوميدي، مع علي قنديل، وقدموا حفل استاند اب بعنوان "لن أعيش في جلباب علي".