قالت رحاب لـ"دوت مصر": "فكرة المشروع فى دماغى من 4 سنين لكن في البداية أهلي رفضوا الفكرة بحجة إني بنت وإزاي هقف لوحدي في الشارع خوفًا من المشاكل أو أني اتعرض لأي مضايقات وقتها سمعت الكلام واشتغلت حاجات مختلفة لكن الفكرة عمرها ما ضاعت لحظة من تفكيري".

وتابعت: "خلال أربعة شهور بدأت افتح الموضوع مع أهلي من جديد لكن هذه المرة كان الوضع مختلف تمامًا وحصلت على تشجيعهم وبالفعل بدأت أنزل الشارع من فترة تتراوح من 3 لـ 4 شهور، بدأت أنزل بالعربية وفكرت أنها تكون مميزة بدأت اجهزها بلالين وزينة وبدأت في تزينها بشكل لطيف ومع أول خطوة للشارع كان الأهل والأصدقاء هم من أوائل الناس واقفين معايا.

مساندة كبيرة ودعم غير متوقعين لقيتهم رحاب بعد العمل فقالت: "نزلت الشارع من فترة قليلة جدًا ولكن عملت سمعة ومكانة محترمة جدًا لو يوم تأخرت بلاقي  الناس تتصل تطمئن والفضل يرجع لربنا ثم اتقاني في الشغل لأني بحبه جدًا فكنت بحاول أبدع فيه وكل واشتغل بحب".

وعن يومها بالعمل قالت: "ببدأ اليوم عادي جدًا بنزل من الساعة الثانية ظهرًا للساعة الثانية بمنتصف الليل بدون ملل اليوم جميل وبصراحة بكون مبسوطة الوقت بيعدي بسرعة بسبب أني بحب الشغل لحد مايكون عندي أكبر كافية بمصر.

وأنهت حديثها: "حابه أقول رسالة للبنات انزلي واشتغلي مفيش حاجة اسمها الشغل عيب أو شغلانة مش مناسبة للبنت، كل الشغل يصلح للبنات والشباب، مدام قادر وعندك إرادة توصل والأهم هو أن الشخص يشتغل الحاجة المفضلة له وليس الناس.

مشروع كافية متنقل

رحاب تصنع حلمها

كافية متنقل بأحد شوار فيصل

كافية متنقل