كتاب

تحدثت ألاء بيومى، البالغة من العمر 26 عاماً، عن بداية تصميمها للكتب ثلاثية الأبعاد، حيث قالت لـ"دوت مصر" :" البداية كانت من مشروعى تخرجى اللى كان بعنوان "أترك أثرا"، وكنت وقتها عايزة، أعمل فكرة عن إزاى العلم اللى بنتعلمه بيكون له أثار إيجابية فى حياتنا فيما بعد، وفكرت وقتها فى فكرة كتب ثلاثية الأبعاد، بحيث يعبر عن فكرة المشروع ويلفت النظر فى نفس الوقت، واكتشفت من خلال بحثى على شبكة الإنترنت، أن تصميم الكتب ثلاثية الأبعاد منتشر فى الخارج ومفيش فيديو عربى بيتكلم عن النوع ده من تصميم الكتب".

تابعت الشابة خريجة الفنون التطبيقية قسم جرافيك: "عجبتنى الفكرة ولقيت تصميم الكتاب بسيط لكن بيحتاج صبر، ولازم صفحاته تعدى الألف صفحة، عشان كده اخترت كتب المعاجم القديمة، واللى استبدلت دلوقتى بقواميس إلكترونية على الإنترنت سواء مواقع أو تطبيقات".

كتاب ثلاثى الأبعاد تصميم ألاء

وعن تصميم الكتب ثلاثية الأبعاد، قالت ألاء: "تصميم الكتاب الثلاثى الأبعاد مش بيحتاج إنى أقطعه، هو بيعتمد على طى الورق، من غير إجراء أى تعديل أو قص ورق بعكس الكتير اللى بيتوقعه إنه لازم الورق يتقطع عشان أوصل للشكل النهائى، ودى يمكن من الصعوبات اللى بتقابلنى فى تصميم الكتاب".

صفحات كتاب أخر

كتاب ثلاثى الأبعاد

تصمم ألاء بيومى، الكتب ثلاثية الأبعاد، كهدية مختلفة يمكن إهدائها للأشخاص المحبين للقراءة، وهذا ما أكدته ألاء قائلة: "الكتب الثلاثية الأبعاد ممكن إهدائها لمحبين القراءة وممكن تضع فى المكتبات لتشجيع الناس على القراءة".

تصميم ألاء

وعن ردود الفعل على الكتب الثلاثية الأبعاد، قالت ألاء: "أغلب الناس بتنبهر من تصميم الكتاب لكن بعضهم بيزعل على قص ورق الكتاب وتعديله، لكن بعد كده بيفهموا فكرة التصميم وإن الورق زى ماهو محصلوش حاجة".

يمكن استخدام الكتاب أيضاً للتقدم لخطبة فتاة محبة للقراءة وهذا ما حدث بالفعل، حيث أشارت ألاء، إلى أن شاب طلب منها تصميم كتاب ثلاثى الأبعاد مدون على صفحاته جملة "تتزوجينى" باللغة الإنجليزية، ليتقدم به لفتاة محبة للقراءة.

كتاب للتقدم للزواج

تتمنى ألاء تحقيق المزيد والمزيد من أمنياتها على أرض الواقع، حيث قالت: "نفسى أطور من فنى وبحلم يكون عندى جاليرى خاص بيا، أطرح فيها شغلى من كتب ثلاثية الأبعاد وشغل الهاند ميد ".