لقاء حصرى مع الفنانة عفاف رشاد في أول ظهور لها عقب تصدرها التريند على مواقع السوشيال بعد صورة لها ظهرت بإطلالة جديدة لها وهو الأمر الذى أثار العديد من التعليقات بعضها كان عن تألقها والبعض كان ضدها وهو ما أثار غضبها.

قالت الفنانة عفاف رشاد في لقاء خاص لليوم السابع :الضجة الكبيرة اللى حصلت دى ماكنش ليها أي لزمة أنا طلعت تريند وأنا لا أهتم بهذه الأمور ولا بعمل لنفسى أي شهرة ولا الكلام ده  وزى مأنا سعيدة طبعاً بتعليقات الناس اللى إتكلموا عنى فأنا كمان زعلانة من الناس اللى كانت بتتنمر بية وأنا معملتش أي حاجة غير إنى غيرت صورة البروفيل على الفيس بوك زى أي حد .

وأضافت الفنانة عفاف خلال لقائها مع كاميرا اليوم السابع: تشبيهى بالفنانات العالميات ده مايهمنيش وأنا ماطلبتوش ومحدش ليه دعوة بصورتى الشخصية وشكراً لكل واحد قال عنى كلمة كويسة وأنا خلال مسيرتى الفنية معملتش حاجة تخلينى أخجل منها وأنا زى ما أنا ممثلة فأنا إنسانة وليا بيت وإبن اللى كنت بحلم يبقى دكتور وفعلاً قدرت أخليه دكتور.

وخلعت رشاد قناعها الواقى وهى غاضبة وأكملت: ناس يتقول عندى 64 سنة وعاملة كدة إزاى أنا مش عاملة فيلر ولا الكلام ده أنا قدمكم أهو مع إنى مكنتش عايزة أظهر لأنى مش فرجة وأنا مش مبسوطة لأن فيه حاجات أهم وبجد أنا زعلانة.

وعن أزمة الحجاب قال عفاف رشاد: أنا مش عارفة الناس جابت التصريحات دى منين كل اللى قولته إنى كنت لما بلبس حاجة على رأسى فبيحصلى صداع نصفى لأنى مصابة بيه من وأنا طفلة لكن ماقولتش إن الناس ماتلبسش الحجاب لأنه بيجيب الصداع ده كلام غلط طبعاً.

وأكدت : الحجاب ده بينى وبين ربنا وحدش له دعوة بيا ليكم بس دخل في شغلى غير كدة يبقى عيب ومايصحش.