حكاية خطوبة "على واحدة ونص".. العريس طبال والعروسة طبالة

محمد قاسم

السبت، 09 يناير 2021 02:00 م

"الطبلة بقيت جزء من شخصيتى ومقدرش خالص استغنى عنها وخطيبي بيشجعنى علي انى أكمل مشواري معاه ونطبل مع بعض دايما حتي بعد ما نتجوز " هكذا بدأت علا محمود تروى ل" دوت مصر" حكايتها مع الطبلة.

وقالت علا انا بحب الفن جدا ومجنونة بالطبلة واتعرفت علي خطيبي خلال حفلة كنت وقتها بطبل وهو كمان وتحدثنا سويا في البداية كأصدقاء وتوطدت علاقتنا وحدث بنا اعجاب من الطرفين وبعدها اتخطبنا .

واضافت علا الناس في الشارع بتكون مستغربة أن انا بنت وماسكة طبلة وبطبل لكن أنا مش بتأثر بكلامهم وتعليقاتهم عشان مبعملش حاجة غلط وهكمل في الطبلة .

وقال عزت بسيونى انا دايما بشجع علا خطيبتى وبكون فرحان بها جدا لما بتعلم حاجة جديدة علي الطبلة عشان دا فن وموهبة مش حاجة عيب .

واضاف عزت احنا بنروح مع بعض دايما كورسات طبلة وحفلات وبكون معاها وفخور بها والطبلة هي اللي جمعتنا وعمرها ما هتكون سبب يفرقنا مهما حصل واتفقنا حتي لما نتجوز هنفضل نطبل مع بعض في الحفلات أو أي مكان .