فوتوسيشن ابن حميدو

سيشن

تحدث مصور "فوتوسيشن" ابن حميدو 2، عبد المنعم مجدى موسى الشهير بعبده موسى، والذى يعيش بمحافظة دمياط لـ"اليوم السابع"، عن رحلته مع التصوير وكواليس تصوير "فوتوسيشن" عن فيلم "ابن حميدو"، حيث قال: "أنا بحب التصوير من وأنا فى ثالثة ابتدائى، ووالدى شجعنى على تنمية موهبتى، بشراء كاميرا هدية ليا لما بقيت فى سنة سادسة ابتدائى، وبدأت أطور من نفسى فى مجال التصوير، من خلال تعلم البرامج الخاصة بتعديلات الصور، ولما بقيت فى أولى إعدادى أتعلمت المونتاج من برامج على "اليوتيوب".

صورة أخرى للشاب

صورة أخرى

وأضاف :" التحقت بثانوى فنى قسم زخرفة، لكن قررت أشتغل فى الحاجة اللى بحبها، وبالفعل أشتغلت فى مهن كتير عشان أقدر أشترى كاميرا أحسن".

وعن فكرة فوتوسيشن "ابن حميدو 2"، قال عبده موسى :"فكرت اعمل سيشن الناس عن فيلم الناس بتحبه، فكرت فى فيلم "ابن حميدو" وبدأت أدور عن موديل شبيه له، لحد ماقدرت أوصل للموديل عمرو ياسر، وتواصلت معه وعجبته الفكرة، واخترت أصور فى منطقة الطابية بعزبة البرج بدمياط، لكن بسبب ظروف كورونا وظروف شخصية للموديل، التصوير اتأجل لمدة سنة و9 شهور لكن فى خلال الفترة دى، كنت أنا وعمرو بنذاكر الفيلم وبنحفظ إيماءات إسماعيل ياسين، وأما بالنسبة لملابس الشخصية، قدرت اشترى بنطلون الصياد من دهب والطاقية اشتراها عمرو وصممت السديرى عند صديقة، لأن كان صعب ألاقى ملابس شخصية الصياد فى مكان واحد".

صورة للشاب الذى يقلد إسماعيل ياسين

صورة من السيشن

وتابع :" السيشن قدر ينجح فى دمياط فى أول أسبوع نشرته فيه على صفحتى على "الفيس بوك"، لكن بعد كده التفاعل قل، وده صدمنى جداً، لكن بعد كده قدرت أنشره أكتر بجروبات الخاصة بالتصوير، والحمد لله عجب الناس وعمل الضجة اللى كنت بحلم بيها لدرجة إنه طلع "تريند" على الفيس بوك، وبكده قدرت الحمد لله، أحقق جزء بسيط من حلمى ولسه بحلم أحقق أكتر".

فوتوسيشن ابن حميدو