إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

  : كلام جد

مخترتش تبقى موجود ف الحياة ورغم كدة كل الناس حاسة ان من حقها تحاسبك لو اخترت تختفي.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل بالتفصيل الأربعاء 7/3/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

محبوب ماشاء الله من معظم الناس ورغم كدة مش مبسوط.. ياترى ليه؟.. هل مش محبوب من الشخص اللي انتا بتحبه ولا مكسل اصلا تتحب ولا مش فاضي ولا بتلعب ولا عاجبك الوضع الدرامي اللي انتا فيه دة؟.. محدش عارف وغالبا انتا نفسك مش عارف.. انتا مهتم بالامان وبس

برج الحمل عملياً

( الشغل والمذاكرة والتخطيط لبكرة ):

صعب تلاقي نفسك ف وسط عالم كله تايه ومش عارف هو موجود ليه.. وصعب برضة تحس بالامان الحقيقي ف وسط بشر كلها احتياجاتها مؤقتة وطايشة

برج الحمل صحياً

( نفسيا وجسمانيا وكل مايخص طاسة المزاج ):

صحيا النهاردة انتا محتاج تاكل كويس وتنوع ف اكلك حبة

إعرف توافق برج الحمل مع باقي الأبراج النهاردة:

متوافق مع الابراج الحسواكية والفرفورية والحنتوسية والنارية والهوائية..

إعرف حظك اليوم برج الثور بالتفصيل الأربعاء 7/3/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

حد جميل هيظهر ف حياتك النهاردة واحتمال كبير يشجعك على الحياة والزقططة والانبساط.. حاول تعامله كويس ومتطفشوش ياريت او تخنق عليه

برج الثور عملياً

( الشغل والمذاكرة والتخطيط لبكرة ): 

كل حاجة ماشية معاك زي الحلاوة ولكنك لا ترضى ابدا.. غالبا انتا مبتنامش كويس

برج الثور صحياً 

( نفسيا وجسمانيا وكل مايخص طاسة المزاج ):

صحيا النهاردة انتا قدام الناس زي الفل بس بينك وبين نفسك وبتخبي اوجاع كتير جدا جدا.. ليه بتعمل كدة.. مكسوف من كونك بشر ولا ايه

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والكتكوتية والبرمائية والهوائية والمائية والترابية..

إعرف حظك اليوم برج الجوزاء بالتفصيل الأربعاء 7/3/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متتوهش ف غابات التفاؤل الاوفر الساذج النهاردة بنفسك.. تصرف غير منطقي وتوقيته مش حلو ولا مناسب.. بلاش منه ياريت

برج الجوزاء عملياً 

( الشغل والمذاكرة والتخطيط لبكرة ):

متتوهش ف غابات التفاؤل الاوفر الساذج النهاردة بنفسك.. تصرف غير منطقي وتوقيته مش حلو ولا مناسب.. بلاش منه ياريت

برج الجوزاء صحياً 

( نفسيا وجسمانيا وكل مايخص طاسة المزاج ):

صحيا النهاردة مهم تهتم بصحتك حبة بشكل عام خصوصا وانك بدأت تهمل فيها مؤخرا محدش عارف ليه

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنباتية والسمكمكية والترابية والمائية والهوائية..

إعرف حظك اليوم برج السرطان بالتفصيل الأربعاء 7/3/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

ركز ف اللي ينفعك وبس وإعتزل ما يضرك ايا كان ببساطة وحرية.. دة حقك ف الحياة

برج السرطان عملياً 

( الشغل والمذاكرة والتخطيط لبكرة ):

محتاج تهتم بمصلحتك حبة حتى لو هتتهم بانك بتاع مصلحتك.. ف الاخر الاهم انك تبقى كويس وراضي عن نفسك.. رأي الناس خليه للناس وبس

برج السرطان صحياً 

(نفسيا وجسمانيا وكل مايخص طاسة المزاج ):

صحتك النهاردة محتاجة حبة نعنشة وفرفشة بسيطة خالص.. جايزخروج وسينما وجايز اكل حلو

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والبرمائية والكتكوتية والمائية والنارية والبهوائية ( اخت الهوائية بس مبهوئة حبة).

إعرف حظك اليوم برج الأسد بالتفصيل الأربعاء 7/3/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

بلاش تسيب كل حاجة سهلة ومتاحة حواليك وتجري ورا الصعب وبس.. بلاش

برج الأسد عملياً 

( الشغل والمذاكرة والتخطيط لبكرة ):

محتاج تهتم حبة ومتثقش ف نفسك بزيادة عشان محدش يضحك عليك.. هتبقى عيبة كبيرة عليك وعلى ذكائك لو دة حصل بصراحة

برج الأسد صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة تبعد عن الشطة تماما بتاتا.. ركز ف الحلويات حبة احسن

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والسمكمكية والكرِيبّية والإستحواذية والهوائية والترابية والنارية..

إعرف حظك اليوم برج العذراء بالتفصيل الأربعاء 7/3/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

كبر دماغك حبة النهاردة ومتركزش ف تفاصيل واسباب وهية كل شيئ بعمق والا هتتعب وهتجيب ناس تتعب معاك.. ف على ايه.. تكبير الدماغ والتجاهل هو الحل.. بلاش انفعال زايد او تأثر مؤذي

برج العذراء عملياً 

( الشغل والمذاكرة والتخطيط لبكرة ):

احتمال تشوف حاجات مبهرة.. حاول متنبهرش بيها بصوت عالي..كمان انتا متألق عمليا اليومين دول ودي حاجة جميلة جدا وع الله تكون سبب من اسباب انبساطك بشكل دائم ان شاء الله

برج العذراء صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة اهتمام بودانك وسنانك وضهرك

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والبرمائية والكتكوتية والكهربائية والنارية والبرمائية..

إعرف حظك اليوم برج الميزان بالتفصيل الأربعاء 7/3/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

النفسية محتاجة سمك النهاردة او تونة او رز سمك.. دي حاجة ممكن تبسطك جدا لو اهتميت بيها كويس

برج الميزان عملياً 

( الشغل والمذاكرة والتخطيط لبكرة ):

اتصرف زي السمك النهاردة وخلي ذاكرتك ف النكد قصيرة عشان تعرف تعيش.. وفكك من اي حد مركز معاك وف تصرفاتك.. انتا كبير نفسك وبس ولا محتاج اوصيا ولا ناس تقولك تعمل ايه وتقول ايه

برج الميزان صحياً 

( نفسيا وجسمانيا وكل مايخص طاسة المزاج ):

صحتك النهاردة كويسة جدا بالرغم من اي عوائق مؤقتة ممكن تعترض طريقها.. خليك فريش وانبسط وركز ف الحاجات اللي بتحبها وبتحب تعملها وبس النهاردة

تعرف على توافق برج الميزان مع باقي الأبراج النهاردة:

متوافق مع الابراج الدرامية والبحرية والبرميلية والسمكمكية والنيلية والفضية والبربئية والفرفورية والنارية والهوائية..

إعرف حظك اليوم برج العقرب بالتفصيل الأربعاء 7/3/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

بلاش عوم ف بحر الذكريات النهاردة خصوصا وان الجو متقلب وممكن تاخد برد ف نفسيتك وانتا مش ناقص عيا اساسا.. خد بالك من مزاجك ومودك كويس الليلة

برج العقرب عملياً 

( الشغل والمذاكرة والتخطيط لبكرة ):

كل شيء ماشي حاله على الجبهة العملية بشكل كويس.. ركز بس حبة زيادة وإهتم

برج العقرب صحياً 

( نفسيا وجسمانيا وكل مايخص طاسة المزاج ):

صحتك النهاردة كويسة وماشي حالها وتقدر تركب عجل او تلعب مع حد لطيف طاولة او كوتشينة براحتك

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والكهربائية والبرطمانية والكهرمانية والترابية والمائية والنارية..

إعرف حظك اليوم برج القوس بالتفصيل الأربعاء 7/3/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

في حد بيراقبك او مركز معاك او بيكراش عليك ف الاغلب.. خد بالك كويس

برج القوس عملياً 

( الشغل والمذاكرة والتخطيط لبكرة ):

طول مانتا ماشي عدل محدش يعرف يعمل معاك حاجة.. ثق ف كدة النهاردة جدا يامعلم

برج القوس صحياً 

( نفسيا وجسمانيا وكل مايخص طاسة المزاج ):

صحتك النهاردة زي الفل وتقدر تعمل اي حاجة نفسك فيها

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والهوائية والبرمائية والمائية

إعرف حظك اليوم برج الجدي بالتفصيل الأربعاء 7/3/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متتكسفش تطلب مساعدة من اللي يقدر يساعدك يا باشا.. مقامك محفوظ دايما والله

برج الجدي عملياً 

( الشغل والمذاكرة والتخطيط لبكرة ):

محتاس ف ايه بالظبط وليه؟.. مستكبر تقول انك تعبان ومرهق ومش عاوز حد يشيل همك ولا ايه

برج الجدي صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة شوية غذا ف الهواء الطلق ومحتاج حد يعزمك على شاورمة ف الاغلب

تعرف على توافق برج الجدي مع باقي الأبراج النهاردة:

متوافق مع الابراج البربئية والمونوكرومية والحنتوسية والحلبسية والكشرية والترابية والهوائية والنارية..

إعرف حظك اليوم برج الدلو بالتفصيل الأربعاء 7/3/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

امشي ورا احساسك الخاص النهاردة مش ورا عقلك او قلبك.. حدسك اهم من الاتنين دول بمراحل الليلة

برج الدلو عملياً 

( الشغل والمذاكرة والتخطيط لبكرة ):

حاسس بلخبطة ف كل حاجة وسواد وحاسس ان الكون كله عبثي ومالوش لازمة.. عادي يابرنس.. هو فعلا كدة انتا مش ظالمه ف حاجة

برج الدلو صحياً 

( نفسيا وجسمانيا وكل مايخص طاسة المزاج ):

صحتك اليوم ماشي حالها بس مزاجك محتاج يروق حبة

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والكتكوتية والبرمائية والكبريتية والجنية والترابية والهوائية والخيالية..

إعرف حظك اليوم برج الحوت بالتفصيل الأربعاء 7/3/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

مهم تعدي اليوم النهاردة من غير ما تنفسن على اي حد لأي سبب عابر او قديم.. مهم تصفي نفسيتك خالص عشان تعرف تنبسط الليلة

برج الحوت عملياً 

( الشغل والمذاكرة والتخطيط لبكرة ):

حاول النهاردة تهتم جدا يمزاجك وفكك من اي حاجة تانية.. بلا وجع دماغ ياجدع

برج الحوت صحياً 

( نفسيا وجسمانيا وكل مايخص طاسة المزاج ):

صحيا انتا محتاج تقعد ف البانيو حبة وتسمع مزيكا هادية جدا وتبعد عن اي حد زنان او تعبان ف دماغه

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والكتكوتية والمستحية والنارية والترابية والمائية والهوائية