إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

  : كلام جد

هواة جذب الإهتمام ناس وجودهم ف حياتك خطر..خد بالك.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل بالتفصيل الجمعة 23/2/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

محتاج حد يطمنك ان كل حاجة هتبقى كويسة وجميلة وزي الفل ومتغيرتش ولا حبت حد تاني غيرك من كتر طناشك وبرودك معاها.. محتاج حد يطمنك.. بس للأسف مفيش..

برج الحمل عملياً

( الشغل والمذاكرة والتخطيط لبكرة ):

عمليا انتا ماشي ف طريقك ومبتسمعش لحد الا لو قالك كلام تقدر تعتبره اطراء او كلام حلو ف حقك.. غير كدة انتا مش مهتم اصلا بكلام حد..

برج الحمل صحياً

( نفسيا وجسمانيا وكل مايخص طاسة المزاج ):

صحيا النهاردة انتا كنت تعبان وبتتحسن وف الاغلب هتنام كتير جدا وهتسيب كل حاجة برة تولع..

إعرف توافق برج الحمل مع باقي الأبراج النهاردة:

متوافق مع الابراج الحسواكية والفرفورية والحنتوسية والبرمائية والترابية والهوائية..

إعرف حظك اليوم برج الثور بالتفصيل الجمعة 23/2/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

متمثلش انك مبسوط النهاردة عشان ترضي اي حد ايا كان..

برج الثور عملياً

( الشغل والمذاكرة والتخطيط لبكرة ): 

خليك واضح وصريح وخصوصا فيما يخص مشاعرك وعبر عن نفسك بحرية الليلة.. ياللا خلينا نخلص خالص بقى من دوشتك..

برج الثور صحياً 

( نفسيا وجسمانيا وكل مايخص طاسة المزاج ):

خليك واضح وصريح وخصوصا فيما يخص مشاعرك وعبر عن نفسك بحرية الليلة.. ياللا خلينا نخلص خالص بقى من دوشتك..

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والكتكوتية والمائية والهوائية والبرمائية..

إعرف حظك اليوم برج الجوزاء بالتفصيل الجمعة 23/2/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متركزش مع الناس النهاردة عشان متتعبش.. حياتك متنفعش تبقى نسخة من اي حد تاني..انتا متفرد ومفيش زيك فعلا..

برج الجوزاء عملياً 

( الشغل والمذاكرة والتخطيط لبكرة ):

وقت بايخ وجايز يكون عصيب عمليا بس فك دماغك.. انتا موهوب وشاطر وتعرف كويس ازاي تنجح وتبان مهما كانت الصعوبات والعوائق حواليك.. إجمد يا معلم وقاوم..

برج الجوزاء صحياً 

( نفسيا وجسمانيا وكل مايخص طاسة المزاج ):

صحيا النهاردة انتا محتاج شوية ايروبيكس ولو وانتا قاعد ف مكانك ف السرير..

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنباتية والسمكمكية والهوائية والترابية والنارية والمائية ..

إعرف حظك اليوم برج السرطان بالتفصيل الجمعة 23/2/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

النهاردة في فرصة احلام حلوة.. ف حاول تنام الضهرية حبة او العصرية او تنام بدري بالليل عشان تلحقها من اولها..

برج السرطان عملياً 

( الشغل والمذاكرة والتخطيط لبكرة ):

مشوش النهاردة ومش على بعضك عشان مفيش حاجة عاوزة تمشي على مزاجك.. معلش.. مسير كل حاجة تبقى الطف واجمل واسهل..

برج السرطان صحياً 

(نفسيا وجسمانيا وكل مايخص طاسة المزاج ):

صحتك النهاردة عاوزة فرفشة وزقططة ومزيكا واكل حلو بسيط..

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والبرمائية والكتكوتية والهوائية والنارية والمائية..

إعرف حظك اليوم برج الأسد بالتفصيل الجمعة 23/2/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

النهاردة اليوم مناسب للحوار البناء وللصداقة.. قشطة جدا يعني..

برج الأسد عملياً 

( الشغل والمذاكرة والتخطيط لبكرة ):

ياريت متتخانقش مع اي حد على اي حاجة متستاهلش لمجرد انك متشب برأيك وعاوز تطلع صح وخلاص.. انتا اكبر من كدة ثم ان اللي خسر ف الطاولة او الدومنة هو اللي بيحاسب ودي حاجة معروفة ف اي نادي شباب محلي او عالمي..

برج الأسد صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة اهتمام وخصوصا ان زورك ف الاغلب مش سالك اوي..

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والسمكمكية والهوائية والنارية والترابية والهوائية..

إعرف حظك اليوم برج العذراء بالتفصيل الجمعة 23/2/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

فكك من الدور اللي انتا عايش فيه دة خالص انتا مش اتش ار على العالم ولا من حقك تحسس نفسك او عالم انك احسن منه او بتفهم اكتر منه.. كفاية عقد بقى وإكبر وشوفلك حاجة اعملها بدل مانتا قاعد تفطس ف كل مركبة سايرة من قدامك.. كفاية..

برج العذراء عملياً 

( الشغل والمذاكرة والتخطيط لبكرة ):

شغل دماغك حبة ومعدتك حبتين وقلبك مليون حبة النهاردة..

برج العذراء صحياً 

( نفسيا وجسمانيا وكل مايخص طاسة المزاج ):

صحتك النهاردة تمام ومشي حالها.. انزل مشي رجليك حبة ف اي حتة بدل مانتا قاعد كدة مبتعملش حاجة..

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والبرمائية والنارية والهوائية والترابية والبرمائية..

إعرف حظك اليوم برج الميزان بالتفصيل الجمعة 23/2/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

جايز عيان وجايز غلبان النهاردة وجايز حاسس ان العالم كله ضدك ومتفق عليك.. ف كل الاحوال عاند وادي الايام بالروصية ف مناخيرها وانبسط وزقطط بالعند وبالكيد فيها وف العالم كله..

برج الميزان عملياً 

( الشغل والمذاكرة والتخطيط لبكرة ):

بتحقق اهدافك بس مش مبسوط.. معلش.. مسيرك تنبسط ان شاء الله لما المطرة تخلص خالص..

برج الميزان صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة دفا واهتمام ومشروبات سخنة وتاخد بالك انتا بتبلبع ادوية نوعها ايه بالظبط ولازمتها ايه برضة..

تعرف على توافق برج الميزان مع باقي الأبراج النهاردة:

متوافق مع الابراج الدرامية والبحرية والبرميلية والسمكمكية والنيلية والفضية والبرمائية والترابية والهوائية..

إعرف حظك اليوم برج العقرب بالتفصيل الجمعة 23/2/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حاول تبقى مرن النهاردة مع الناس حواليك حة وياريت تاخد بالك من قلبك خصوصا بالليل

برج العقرب عملياً 

( الشغل والمذاكرة والتخطيط لبكرة ):

ابعد عن الضلمة والشوارع الضلمة واحترس من الكلاب الليلة..

برج العقرب صحياً 

( نفسيا وجسمانيا وكل مايخص طاسة المزاج ):

صحتك النهاردة زي الفل وفي شوية شحتفة ورومانسية بسبب المطرة متقلقش منهم وهيعدوا علاطول بعد ما ياخدوا وقتهم الطبيعي معاك.. متقلقش

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والكهربائية والبرطمانية والكهرمانية والبرمائية والنارية..

إعرف حظك اليوم برج القوس بالتفصيل الجمعة 23/2/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حاول تتفرج اكتر مابتتكلم النهاردة وحاول متعلقش بسخرية على كل حاجة بتشوفها برضة.. خليك لئيم واتفرج واضحك وبس.. كعادتك يعني..

برج القوس عملياً 

( الشغل والمذاكرة والتخطيط لبكرة ):

متعة خاصة عندك انك تشوف الناس بتترازى وبتقول ف عقلك بال نفسك" احسن يستاهلوا".. قشطة.. خلي كيدك ينفعك.. خليه ينفعك بجد..

برج القوس صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة منك تقعد ف حالك وبس .. مش اكتر..

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والهوائية والمائية والنارية..

إعرف حظك اليوم برج الجدي بالتفصيل الجمعة 23/2/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

محتاج ونس النهاردة ومحتاج دلع وطبطبة واهتمام.. ومحتاجة دايما حد يقولك تلاقي كل دة ازاي ف حين ان الموضوع دة مسئوليتك لوحدك وبس..

برج الجدي عملياً 

( الشغل والمذاكرة والتخطيط لبكرة ):

اليوم لطيف جدا ومناسب للقعدة ف اي جنينة ف اي حتة حتى لو الدنيا هتمطر فوقك.. المنظر هيبقى لطيف ريحة المطر والجو هيبقى جميل جدا جدا..

برج الجدي صحياً 

( نفسيا وجسمانيا وكل مايخص طاسة المزاج ):

صحتك النهاردة تمام.. دفي روحك حبة بس بشوية مزيكا واهتمام واسترخاء..

تعرف على توافق برج الجدي مع باقي الأبراج النهاردة:

متوافق مع الابراج البربئية والمونوكرومية والحنتوسية والحلبسية والكشرية والهوائية والترابية والنارية..

إعرف حظك اليوم برج الدلو بالتفصيل الجمعة 23/2/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

معلش.. متزعلش نفسك.. مسيرهم يعرفوا لما بتقلب ع الوش التاني بيبقى شرك عامل ازاي..

برج الدلو عملياً 

( الشغل والمذاكرة والتخطيط لبكرة ):

مسيرهم يجروا قدامك وكل واحد يتحاسب وياخد حقه تالت ومتلت كمان.. كمل انتا نوم ودلع وشخلعة وملكش دعوة بأي حاجة..

برج الدلو صحياً 

( نفسيا وجسمانيا وكل مايخص طاسة المزاج ):

صحتك اليوم زي الفل وفي تحسن كبير بيحصل ودة راجع لإهتمامك بالموضوع.. كمل على كدة يابرنس لحد ما تبقى فل الفل ان شاء الله

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والكتكوتية والبرمائية والنارية والكبريتية والترابية والهوائية..

إعرف حظك اليوم برج الحوت بالتفصيل الجمعة 23/2/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حاجة حلوة هتحصل النهاردة وهتبسطك جامد.. ع البركة يا شقيق.. ع البركة

برج الحوت عملياً 

( الشغل والمذاكرة والتخطيط لبكرة ):

صفي نيتك وانتا تلاقي كل حاجة سلكت ومشيت ف اتجاهها الصحيح.. مش الاتجاه اللي يكيد الناس اللي انتا قالب عليها ومعتبرها اعداء..

برج الحوت صحياً 

( نفسيا وجسمانيا وكل مايخص طاسة المزاج ):

صحيا انتا محتاج تبلبط ف مية لمدة ساعة وانتا بتغني اغاني شعبية فولكلورية تعلق بالبحر وضحكته وبالقلل وبالدلع..على الاقل النهاردة.. مش بكرة ولا بعده..

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والكتكوتية والمستحية والترابية والمائية والهوائية.