" مش عاوز حاجة فى الدنيا غير إنى أعمل عملية وأقدر أقف تانى علي رجلي  زي الأول وأخف ، نفسي أقف على رجلى وأعيش" بتلك الكلمات بدأ حازم  يروي تفاصيل مأساته التى يعيشها لليوم السابع قائلا: " بسبب حادث تعرضت له أثناء عملى كفنى بإحدى الشركات الحياة كلها وقفت ومراتى تركت المنزل وأخدت أطفالي وصاحب البيت طردنى من الشقة بسبب عجزى عن دفع الإيجار   .

 وقال حازم تعرضت للسقوط من سلم خشبي أثناء عملى في إحدى الشركات وحدثت لي كسور مضاعفة ورجلي الاتنين حدث فيها قطع في الأربطة وأجريت عملية لكن لم استطيع بسبب ظروفي المادية استكمال مرحلة العلاج .

وأضاف الحياة بالنسبة لي دلوقت بعيشها وانا عمري ،30 سنة  بين 4 حيطان مش عارف أشوف الشارع حتى مراتى أخدت ولادى ومشيت مقدرتش تتحمل معاناتى" .

واختتم حازم كلامه والدموع  في عينه أنا مش عاوز غير العملية التى تقدر تكلفتها ب 60 ألف جنية واقف علي رجلي لأنى تعبت من الألم والمسكنات تعبتنى ونفسي اخد ولادي ومراتى في حضني تانى وبناشد وزيرة الصحة مساعدتى في إجراء العملية .