تداول عدد من نشطاء التواصل الاجتماعي صورة للدكتور مصطفى رمزي، طبيب بمستشفي الحسين قسم المخ والأعصاب، وهو يحمل أحد مرضاه، طفل عمره 4 سنوات متجهًا به إلى جامع المستشفي.

وعلق الكاتب الصحفي سامي عبد الراضى  فى منشور له اليوم على موقع التواصل الاجتماعي فيس بوك على الصورة:  قائلا " الشاب الجميل ده ..طبيب عمره يادوب ٢٥ سنة ..اسمه الدكتور مصطفى رمزي ..معروف جداً في مستشفي الحسين ..وهو في قسم " المخ والأعصاب " ..هو وفريق مكون من زمايله وأساتذته بيجهزوا الطفل ده عشان يعملوا له عملية ازالة مياه من على المخ قريب وممكن خلال أسبوعين ..يمكن التردد علي الطفل ياسين محمد اللي عمره ٤ سنوات ..عمل " الفه " بينه وبين الآطباء حبوه اوي ..يمكن حبهم زاد ليه مش عشان هيعمل عملية ازالة ميه ..لا .. ياسين قلبه " منهك " ومن فترة قريبة غير صِمَام في القلب..ووجوده في المستشفي ونقله من قسم ل قسم خلى الدكاتره يحبوه ..ويتعلقوا بيه اوي ..و لما والدته قالت للدكتور مصطفي ..ياسين نفسه يصلي ..جري وحضنه ونزل بيه من المستشفى للجامع .. ادعوا ل ياسين .. شكراً للدكتور مصطفى.. شكرا لملتقط الصورة سيد حجاج.