التوقيت الجمعة، 29 مارس 2024
التوقيت 03:26 م , بتوقيت القاهرة

برج الأسد حظك اليوم الجمعة 20/10/2017 ..مشاعر حارة ورغبة ف الحب

برج الأسد
برج الأسد

تعرف على حظك اليوم لبرج الأسد مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


حظك اليوم برج الا?سد


حظك اليوم برج الأسد عاطفياً


( الكراش والإكس والبوي والجيرل فريند والجوز والزوجة والقرايب ):


مشاعر حارة ورغبة ف الحب مبيوقفش ضدها غير طموحاتك العملية اللي انتا معتقد انها اهم من اي حاجة حتى الحب او المشاعر..حاول توازن مابين قلبك وعقلك على قد ماتقدر لأن الحب والتحقق فيه ممكن يكون دافع ليك ف حياتك العملية بشكل انتا مش متخيله..محاولة الفصل مابين الجانبين ف معظم الأحوال هتعملك مشاكل كتير ف نفسيتك وهتحس فجأة انك مقصر ف جانب منهم ودة هيحسسك بالذنب وهيخليك تقاوم وتنكر او ببساطة هيخليك تبعد وتختفي من المشهد العاطفي لأنك مش قادر تواكب متطلباته..حاول توازن احسن بدل الصراع الخفي دة ما يبتدي يضايقك..


 


حظك اليوم برج الأسد عملياً 


( الشغل والمذاكرة والتخطيط لبكرة ):


هتواجه مشكلة النهاردة سخيفة بشجاعة وذكاء كالعادة.. حاول متضيعش فيها اليوم كله عشان في إنبساط خفي كبير جدا جدا حواليك وبيكمن ف ابسط التفاصيل..كل ماتبقى هادي ورايق وعندك استعداد للإنبساط الصافي كل ماهتشوفه وتكتشفه وبسهولة عجيبة..إستمتع.


حظك اليوم برج الأسد صحياً 


( نفسيا وجسمانيا وكل مايخص طاسة المزاج ):


الصحة كويسة بس محتاجة رياضة بشكل كبير..على الاقل عشان متتفاجئش بكرش بايخ يعكنن عليك حياتك ويجبرك تعمل دايت انتا مبتحبوش..المزاج ممكن يظبط مع المكرونة ومع الفراخ ودة جميل...كمان نفسك ممكن تهفك علي بصل وتوم..قشطة طبعا لأنهم حاجات مفيدة وبتدي الأكل رونق خاص..إلا لو مخطط تتباس..ساعتها ولا بصل هينفع ولا توم هيشفع..بس ممكن تاكل بقدونس براحتك..


 


إعرف توافق برج الأسد مع باقي الأبراج النهاردة


متوافق مع الابراج الترابية والحنجورية


من مشاهير برج الأسد 


Barack Obama برج الا?سد



 


الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج الأسد